Eýranly türkmen Serdar Azmun BAE-niň Şabab Al-Ahli toparyndaky ilkinji goluny geçirdi. Bu gol AFK-nyň Elita Çempionlar ligasynyň saýlama tapgyrynyň çäginde Eýranyň Sepahan topary bilen geçirilen duşuşykda hasaba alyndy. Duşuşykda Şabab Al-Ahli güýçli garşydaşyndan 4:1 hasabynda üstün çykdy.
Oýna 61-nji minutda giren Azmun eýýäm bir minutdan soň täze toparyndaky ilkinji goluny geçirdi.Gazanylan ýeňişden soň Şabab-Al-Ahli 13-nji awgust güni ýaryşyň toparçalaýyn tapgyryna girmek üçin Kataryň Al-Garafasy bilen duşuşmak hukugyna eýe boldy.
Sepahan bolsa yklym ýaryşlaryndaky göreşini AFK-nyň Çempionlar ligasy ― 2-de alyp barar.Bu liganyň saýlama duşuşyklaryna Aşgabadyň Altyn asyrynyň hem gatnaşjakdygyny ýatladýarys.