Aziýanyň Çempionlar ligasynyň (AFK Champions League) kubogyny Ýaponiýanyň “Kaşima Antlers” topary eýeledi. Öz meýdançalaryndaky 1-nji oýunda 20 üstün çykan ýaponlar Eýranyň “Persepolisi” bilen myhmançylykda 00 hasabynda deňme-deň oýnady.
Tährandaky “Azady” stadionynda oýnalan duşuşyga 100 müň janköýer tomaşa edip, toparlar, aýratynam, ýer eýeleri erjel oýun görkezse-de hasap açylmady. Şeýlelikde, ýapon topary taryhynda ilkinji gezek yklymyň iň uly kubogyny asmana göterdi.
Bu ýeňiş ýapon toparlarynyň şu ýaryşdaky 7-nji çempionlygydyr.Bu ugurda koreý klublary 11 çempionlyk bilen öňdeligi eýeleýär.Eýran klublary 5-nji gezek finalda utuldy.Ýaryşyň iň gymmatly oýunçysy baýragyna çempion toparyň hüjümçisi Ýuma Suzuki laýyk görüldi. 13 gezek tapawutlanan “Al-Sadd” toparynyň alžirli hüjümçisi Bagdad Bunedžah ýaryşyň iň netijeli oýunçysy boldy.
Afrikanyň Çempionlar ligasynyň finalynda 1-nji oýunda “Esperans” klubundan (doly ady “Esperans de Tunis”) 31 üstün çykan Müsüriň “Al-Ahli” toparyna bu hasap çempionlyk üçin ýeterlik bolmady.
Tunisiň Rades şäherindäki Olimpiýa stadionynda 60 müň janköýeriň şaýatlygynda geçen oýunda ýer eýeleri 30 hasabynda ýeňşini baýram etdi.Tunislilere ýeňiş getiren gollaryň 2-sini Saad Bguir (45+1, 54), beýlekisini-de Anis Badri (86) derwezä girizdi. Şeýlelikde, 2 oýnuň netijesi boýunça 43 öňe saýlanan ““Esperans de Tunis”” topary 3-nji gezek Afrikanyň çempiony boldy.
Olar mundan ozal, 1994-nji we 2011-nji ýyllarda KAF Çempionlar ligasynyň kubogyny gazanypdylar.Bu üstünlik alžir klublarynyň 5-nji çempionlygydyr.Yklymyň bu kubogyny iň köp alan Müsüriň “Al-Ahli” topary bassyr 2-nji, umumylykda-da 4-nji sapar finalda utuldy.
Olaryň 8 çempionlygy bar. Ýaryşda 8 goly öz adyna ýazdyran “Esperans” toparynyň ýerli hüjümçisi Anis Badri iň netijeli hüjümçi baýragyny eýeledi.