Aziýa Ýuwaş umman sebitiniň 15 ýurdy dünýädäki iň uly erkin söwda şertnamasy hökmünde tanalýan Sebitleýin Ykdysady Hyzmatdaşlyk şertnamasyna ýagny RCEP-e gol çekdi. 2,1 milliard ilaty öz içine alýan RCEP-e dünýädäki içerki önümiň 30 göterimini tutýar.
Günorta-Gündogar Aziýa ýurtlarynyň assosiasiýasynyň, ýagny ASEAN-yň 37-nji liderler sammitiniň çäginde geçirilen RCEP ýygnagynda ASEAN agzalary Bruneý, Kamboja, Indoneziýa, Laos, Malaziýa, Mýanma, Filippin, Singapur, Taýland, Wýetnam, Awstraliýa, Hytaý, Ýaponiýa, Günorta Koreýa we Täze Zelandiýa liderleri sekiz ýyllyk gepleşiklerden soň ylalaşyk gazandylar.
Bu sammitde çykyş eden Singapuryň premýer-ministri Li Sýan Lun RCEP şertnamasyny möhüm öwrülişik hökmünde häsiýetlendirmeklik bilen: 8 ýylyň içinde geçirilen 46 sany ylmy-amaly maslahatlardan we 19 sany ministrler derejesindäki gepleşiklerden soň, RCEP şertnamasyny baglaşmaklyk şu güne nesip etdi. Bu işde ýadawsyz işleýän degişli ýurtlaryň liderleriniň we ministrleriniň tagallalaryna örän minnetdar. diýip nygtady.