Aziýada tamamlanyp barýan aprelde howanyň derejesi barha ýokarlanýar diýip, MIR 24 ýazýar.
Mysal üçin, Hytaýyň habar beriş serişdeleri Ýanszy derýasynyň ýakasyndaky ülkeleriň köpüsinde aprel aýy üçin mahsus bolmadyk jokrama yssy barada ýazýarlar. Pekinde-de howa 20 gradusdan ýokary, bu apreliň rekordy hasaplanýar. Hindistanda Gün urmadan heläk bolanlar barada habar berilýär. Bu ýurduň käbir ştatlarynda mekdeplerde okuwlar ýatyryldy. Pakistanda-da, Bangladeşde hem ýagdaý şeýle.
Laosyň dürli ýerlerinde gündiz howanyň derejesi 41,5-den 43 gradusa çenli saklanýar, bu ýurduň taryhynda hasaba alnan iň yssy howa hasaplanýar.
Taýlandda suw pürküji sapançalar diýilýän enjamlary satuwa çykardylar. Bu ýerde Aziýada iň yssy howa höküm sürýär. Mysal üçin, ýurduň demirgazyk-günbataryndaky Taki howa menzilinde termometriň sütünjigi 45,5 derejäni görkezýär. Patyşalygyň saglygy goraýyş edarasy ýaşaýjylary Gün urma howpy barada duýdurdy.
Ýaponiýada hem yssy howa dowam edýär. Aprel aýy üçin mahsus bolmadyk yssy howa Gazagystanda, Türkmenistanda we Özbegistanda hem hasaba alyndy.
Hünärmenler sebitde öňdäki maýda nähili howa boljakdygy barada kelle döwýärler.