Garabag sebitiniň simwoliki şäheri bolan Şuşa şäherinde geçirilýän IV "Senagat ynkylaby döwründe täze media" atly foruma gatnaşan adamlar "Azerbaýjanyň medeniýeti" bilen tanyşdyryldy.
Azerbaýjanň Prezidentiniň geňeşçisi Hikmet Hajyýew bilen bilelikde şähere gezelenç eden myhmanlar, 2023-nji ýyl Türki Dünýäniň Medeni paýtagty Şuşanyň özüne mahsus binagärçilik görnüşi bilen Azerbaýjan halkynyň milli we medeni mirasy barada maglumat berildi.
Gatnaşyjylara basyp alyşlyk zamanynda ermenileriň taryhy we medeni barlyklara ýetiren zyýanlary barada gürrüň berildi, Şuşada alynyp barylýan abatlaýyş we gurluşyk işlerine syn etmäge mümkinçilik berildi.
Aşaky Göwheraga we Ýokarky Göwheraga metjitlerini zyýarat eden gatnaşyjylara, Şuşanyň azat edilmeginden soň, metjitlerde basyp alyşlyk zamanynda edilen eden-etdilikleriň yzlaryny aýyrmak üçin galynyp barylýan işler görkezildi.
19-njy asyrda gurulan Kazanjy ybadathanasynda geçirilen abatlaýyş işlerine hem syn eden gatnaşyjylara, Azerbaýjanyň hökümetiniň diňe metjitleri däl, eýsem beýleki dinlere degişli gurluşlary hem aslyna laýyk ýagdaýda abatlaýandygy gürrüň berildi.
Gezelençden soň gatnaşyjylaryň hormadyna berilen gala naharynda, azerbaýjanly sungat işgärleriniň ýerine ýetirmeginde aýdym-saz we tans çykyşlary görkezildi.
Dünýäniň 50 aýry ýurdundan 250-den gowrak myhmanyň gatnaşan forum şu gün tamamlanar.