Azerbaýjanyň Premýer-ministriniň orunbasary Şahin Mustafaýew bilen Ermenistanyň Premýer-ministriniň orunbasary Mher Grigorýanyň ýolbaşçylyk edýän serhetleri kesgitleýiş toparlarynyň 9-njy maslahaty serhet zolagynda geçirildi.
Azerbaýjandan berilen ýazmaça beýannama görä taraplar Gazah welaýatyndaky serhet liniýasynyň koordinatlarynyň kesgitlenmegi hakynda pikir alyşdy.
Taraplaryň, Ermenistanyň yzyna gaýtaryp berjek Azerbaýjana degişli 4 oba bilen Ermenistanyň obalarynyň arasyndaky serhet liniýasynyň koordinatlarynyň Sowet Soýuzynyň Baş ştabynyň 1976-njy ýyldaky topografik kartasyna laýyklykda kesgitlenmegi hakynda ylalaşyp, teswirnama gol çekdi.
Toparlaryň ozalky maslahatynda Ermensitan, 1-nji Garabag söweşinde basyp alan Baganiş Aýrym, Aşagy Eskipara, Heýrimli we Gyzylhajyly obalaryny Azerbaýjana gaýtaryp bermegi kabul edipdi.
Iki ýurduň bilermenleri serhetde geodeziki ölçeglere başlapdy we Azerbaýjan bilen Ermenistanyň serhetlerinde ilkinji gezek serhet belgisi goýulypdy.