Azerbaýjan üstümizdäki tamamlanyp barýan ýylda Özbegistandan sowadyjylary (kondisionerleri) import edýän ýurtlaryň sanawynda öňdäki orna çykdy. Bu barada Özbegistan Respublikasynyň Prezidentiniň ýanyndaky Statistika edarasyna salgylanýan Daryo.uz habar berdi.
Jemi 45904 birligi düzen sowadyjylaryň eksportynyň umumy möçberinden azerbaýjan bazaryna 21418 sowadyjy eltildi, bu bolsa, umumy görkezijiniň 46 göteriminden hem artykdyr.
Import ediji ýurtlaryň sanawynda ikinji orunda Täjigistan ýerleşdi, ol 12396 sowadyjy satyn aldy. Üçlügi 4662 sany sowadyjyny import eden Gyrgyzystan jemledi. Esasy satyn alyjylaryň arasynda 3480 tehnikany import eden Türkiýe we 1033 enjamy satyn alan Gazagystan hem bar.