Azerbaýjanyň Daşary işler ministrligi Ermenistanyň Daşary işler ministrliginiň Garabagda başdan geçirilen soňky wakalar barada günäkärleýji beýanatyna ýazmaça jogap berdi.
Beýanatda Ermenistanyň Daşary işler ministrliginiň 2-nji Garabag uruşy we ondan soň görülen çäreler babatynda, halkara jemgyýetini ýalňyşdyrýan beýanatynyň Azerbaýjan tarapyndan berk ýagdaýda ýazgarylýandygy mälim edildi.
Ermenistanyň Daşary işler ministrliginiň Azerbaýjanyň topraklarynyň 30 ýyldan gowrak wagtlap basyp alyşlyk astynda saklanmagy we azerbaýjanlylaryň köpçülikleýin gyrgynçylyk ýaly jenaýatlardaky günäkärlemelerini inkär edip, ýalňyş beýanatlar bermäge dowam edýändigi bellenen beýanatda: "Ermenistanyň basyp alyşlygyna we hüjümlerine garşy Azerbaýjan hemişe söweşdi. 2023-nji ýylyň sentýabr aýynda geçirilen antiterror operasiýasy bilen Azerbaýjanda ýerleşýän bikanun ermeni ýaragly güýçleriň emele getirýän howp kanuna laýyk ýagdaýda ortadan aýyrldy" diýip habar berildi.
Azerbaýjanyň goşunynyň hiç wagt asuda ilaty nyşana almandygy bellenen beýanatda, Ermenistanyň Premýer ministri Nikol Paşinýanyň: "Garabagda asuda ilata gönüden hiç hili howp ýokdyr" diýip beren beýanaty ýatladyldy.
Ermenistanyň Daşary işler ministrliginiň: "Garabagdaky ermeni ilata garşy etniki saplaýyş edilýär" görnüşindäki öňe sürmeleriniň hakykata beýan etmeýändigi nygtalan beýanatda: "Garabagda ýaşaýan ermeni ýaşaýjylarynyň Ermenistana ýa-da başga bir ýurda göçmek baradaky kararlary Azerbaýjan bilen hiç hili arabaglanşykly däldir.
Biz olary Ermenistanyň emele getiren harby huntanyň zamuny bolan döwründäkiden has gowy ýaşaýyş durmuşy bilen üpjün etmäge taýardyrys.Azerbaýjan ermeni ýaşaýjylary deň hukuka eýe raýatlar hökmünde ýaňadandan ýurda integrasiýa etmekde tutanýerlidir" diýip haber berdi.
Ermenistanyň Daşary işler ministrligi Garabagda ermeni ilatyň sebiti terk etmeginiň Azerbaýjanyň günäsidigini beýan edipdi.