Azerbaýjan-Ermenistan serhediniň kesgitlenilmegi maksady bilen Russiýanyň paýtagty Moswkada maslahat geçirildi.
Russiýanyň Daşary işler ministrliginden berlen ýazmaça beýannama görä, Russiýanyň döwlet Ýolbaşçysy Wladimir Putiniň, Azerbaýjanyň Prezidenti Ilham Aliýewiň we Ermenistanyň Premýer-ministri Nikol Paşinýanyň arasynda 26-njy noýabrda gazanylan ylalaşyga laýyklykda, Azerbaýjan-Ermenistan serhediniň kesgitlenilmegi maksady bilen dördilen komissiýanyň maslahaty Russiýanyň ýolbaşçylygynda Moskwada geçirildi.
Maslahata taraplaryň wekiliýetlerine Azerbaýjanyň Wise-premýeri Şahin Mustafaýew, Ermenistanyň Wise-premýeri Mger Grigorýan we Russiýanyň Wise-premýeri Alekseý Owerçuk ýolbaşçylyk etdi.
Russiýanyň Daşary işler ministrliginden berlen ýazmaça beýannamada “Rus wekiliýeti, iki ýurduň arasyndaky döwlet serhetleriniň kesgitlenilmegi, serhetde durnuklylygyň we howpsyzlygyň artdyrylmagy meselesinde Azerbaýjanyň we Ermenistanyň arasynda geçirilýän gepleşiklere ähli taraplaýyn goldaw bermäge taýar” diýildi.
Beýannamada, Azerbaýjan-Ermenistan serhediniň kesgitlenilmegi baradaky maslahatlaryň dowam etjekdigi nygtaldy.