Eýranyň Prezidenti Mesud Pezeşkiýan, Azerbaýjan bilen edýän gatnaşyklarynyň ösdürilmegine uly ähmiýet berýändiklerini aýtdy.
Prezident Pezeşkiýan paýtagt Tähranda saparda bolýan Azerbaýjanyň Wise-premýeri Şahin Mustafaýewi kabul etdi.
Kabul edilşikde, iki ýurduň taryhy we medeni geçmişe eýedigine we Azerbaýjan bilen edýän gatnaşyklarynyň ösdürilmegine uly ähmiýet berýändiklerine ünsi çeken Pezeşkiýan, “Siz biziň doganymyz we iki ýurduň arasyndaky gatnaşyklaryň pugtalanmagy biziň üçin diýseň möhüm” diýdi.
Prezident Pezeşkiýan, bar bolan kynçylyklaryň ýurtlaryň arasynda gepleşik arkaly çözülmegine ynanýandyklaryny belledi.
Iki ýurduň arasynda baglaşylan şertnamalaryň iş ýüzüne geçirliş etabynyň depgininiň güýçlendirilmeginiň ähmiýetini nygtan Pezeşkiýan, “Eýran, Azerbaýjan Respublikasy bilen edýän gatnaşyklaryny ösdürmegi maksat edinýän taslamalara oňyn garaýar” diýdi.
Azerbaýjanyň Wise-premýeri Şahin Mustafaýew hem “Azerbaýjanyň Prezidenti Ilham Aliýewiň wekili hökmünde Eýran bilen ykdysadyýet, söwda, energetika, medeniýet, howpsuzlyk we goranyş senagaty boýunç edilýän gatnaşyklarymyzy ösdürmek isleýändigimizi beýan edýärin. Eýran bilen edýän gatnaşyklarymyza uly ähmiýet berýäris” diýdi.
Azerbaýjanyň Wise-premýeri Şahin Mustafaýew Eýranyň Prezidenti Pezeşkiýany Azerbaýjanyň Prezidenti Ilham Aliýewiň adyndan Bakuwa çagyrdy.