Ozal habar berşimiz ýaly, Aşgabatda Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň Türkmentel — 2024 atly XVII halkara sergisi dowam edýär.
Sergä Aýdyň gijeler hojalyk jemgyýeti gatnaşyp, hünärmenler kärhananyň önümleri bilen tanyşdyrýarlar.
— Kärhanamyzda 50-den gowrak görnüşli önüm öndürilýär.Soňky öndüren önümlerimiziň birnäçesi aragatnaşyk serişdeleri bolup, SIM kartalarynyň önümçiligini, edara-kärhanalar üçin niýetlenen içerki aragatnaşyk enjamlaryny aýratyn bellemek isleýärin.
Häzir kärhanamyzda ýylda 2,5 milliondan gowrak SIM karta öndürilýär.Içerki aragatnaşyk serişdelerimizi öndürmekde hem Ispaniýa, Germaniýa, Kanada ýaly ýurtlaryň öňdebaryjy kompaniýalary bilen hyzmatdaşlyk edip, bu babatda ýerli edara-kärhanalara amatly çözgütleri hödürleýäris.
Enjamlar berkligi, kiberhowpsuzlyk taýdan ygtybarlylygy bilen tapawutlanýar.
Ýurdumyzda kiberhowpsuzlyk ulgamynda ýerli önümçiligi ilerletmek bilen bagly öňde goýlan wezipelerden ugur alnyp, kärhanamyzyň IT merkezi bölüminde degişli serwer, aragatnaşyk ulgamlary işlenip taýýarlanylýar.Olar ýurdumyzyň edaralarynyň maglumat howpsuzlygyny üpjün etmekde ýokary ygtybarlylyga eýedir. Önümlerimize bolan islegleriň yzygiderli artmagy önümçiligiň kuwwatlylygyny has-da ýokarlandyrmaga ruhlandyrýar.
Bu bolsa, elbetde, milli önümçiligiň geriminiň giňelýändigini görkezýär — diýip, hünärmen belleýär.Hünärmeniň sözleri Türkmenistan gazetiniň şu günki sanynda çap edilen makalada getirildi.