Italiýaly meşhur aýdymçy Salwatore (Toto) Kutunýo 81 ýaşynda aradan çykdy. Bu barada ANSA habarlar gullugyna salgylnýan Gazeta.ru ýazýar.
Aýdymçynyň menejeri Danilo Mankuzo onuň 22-nji awgustda Milandaky San-Raffaele hassahanasynda aradan çykandygyny habar berdi. Mankuzo Kutunýonyň uzaga çeken kesel sebäpli soňky aýlarda saglygynyň ýaramazlaşandygyny aýtdy.
1963-nji ýylda artist özüniň Toto e Tati toparyny döretdi (1975-nji ýylda toparyň adyny Albatros diýip üýtgetdi). Toto Kutunýo L'italiano, Oasis, Uomo dove vai, L'Été indien, Et si tu n'existais pas we Salut ýaly meşhur aýdymlaryny döretdi, Adriano Çelentano, Mireý Matýe, Dalida ýaly meşhur ýerine ýetirijiler bilen döredijilik hyzmatdaşlygyny alyp bardy.
Aýdymçy 1990-njy ýylda Zagrebde geçen Ýewrowideniýe aýdym-saz bäsleşiginde ýeňiş gazandy. Toto Kutonýo ömrüniň ahyryna çenli aýdym-saz sungaty bilen meşgullandy.