Amerikan astronawty Bazz Aldriniň 1969-njy ýylda Aýa aýak basanynda geýen penjegi auksion arkaly satuwa çykaryldy.Sotheby’s auksion öýi tarapyndan Nýu-Ýorkda guralan söwdada penjek rekord baha 2,8 million dollara satyldy.
Aýa aýak basan ikinji adam bolan Aldriniň penjeginde Apollo 11-iň nyşany hem-de E.Aldrin ýazgysy bar.Bu penjek Apollo uçuşlaryna gatnaşan astronawtlar üçin syk dokalan, ýanmaýan matadan tikilipdir.Auksion öýi penjegiň häzire çenli satylan iň gymmat penjek bolandygyny habar berdi.
Auksionyň bary-ýogy 10 minutda tamamlanandygy aýdyldy.Penjegiň 2 million dollara satylmagyna garaşylýardy.Apollo 11 missiýasyna gatnaşan Nil Armstrong bilen Maýkl Kollinsiň geýen penjekleri bolsa, Waşingtondaky Milli howa we kosmos muzeýinde saklanýar.Häzirki wagtda 92 ýaşynda bolan Aldrin 1969-njy ýylda ýoldaşy Armstrongdan soňra adamzat taryhynda aýa aýak basan ikinji adam boldy.