Atalanta Italiýanyň A seriýasynyň 18-nji tapgyrynda Salernitanany 8:2 hasabynda ýeňlişe sezewar etdi. Oýunda Jan Pýer Gasperininiň şägirtleri birinji ýarymda 5, ikinji ýarymda bolsa 3 gol urdy.
Opta statistiki neşiriniň habar bermegine görä, Atalanta öz taryhynda ilkinji gezek A seriýanyň çägindäki oýunda 8 gol urdy. Şeýle-de bergamo topary 21-nji asyrda A seriýanyň oýnunda 8 gol uran ilkinji klub boldy. Mundan ozal, Milan şäheriniň Inter 1996-njy ýylda Padowanyň derwezesine 8 gol urupdy. Gyzykly tarapy, şol oýun hem 8:2 hasabynda tamamlanypdy.
A seriýanyň 18-nji tapgyrynyň esasy netijeleriniň hatarynda Milanyň myhmançylykda Leççe bilen 2:2 hasabynda deň oýnamagyny, Interiň öz öýünde Weronany 1:0, Lasionyň myhmançylykda Sassuolony 2:0, Romanyň öz öýünde Fiorentinany 2:0 ýeňmegini görkezip bolar.
Ozal habar berşimiz ýaly, A seriýanyň 18-nji tapgyrynyň merkezi oýnunda Napoli Ýuwentusy uly hasapda ýeňlişe sezewar bolupdy. 18-nji tapgyrdan soňra Napoli utuklarynyň sanyny 47-1 ýetirip, turnir tablisasynda liderligini pugtalandyrdy. Ikinji ýerdäki Milanyň hasabynda 38 utuk bar. Hersi 37 utukdan toplan Inter we Ýuwentus bolsa üçünji ýeri paýlaşyp durlar.