Astana diplomatik kluby türkmen kompaniýalaryny 2024-nji ýylda Gazagystanda geçiriljek sergileriň birnäçesine gatnaşmaga çagyrýar. Gurama Türkmenistandaky kärhanalar üçin halkara hyzmatdaşlygy ösdürmek we işewürlikleriniň çygryny giňeltmek üçin ajaýyp mümkinçiligi hödürleýär.
Gazagystanda bütin ýylyň dowamynda ykdysadyýetiň dürli pudaklaryny öz içine alýan birnäçe sany iri pudaklaýyn sergiler geçiriler. Olaryň hatarynda şulary bellemek bolar:
Elektronika we hojalyk tehnikasynyň HomeTech & Electra halkara sergisi (Almaty, Atakent)
CCFK 2024 China (EXPO Center Astana)
KazBuild (Almaty, Atakent)
AquaTherm (Almaty, Atakent)
MinincMetals (Almaty, Atakent)
KazComak (Almaty, Atakent)
KIOGE (Almaty, Atakent)
Transport & Logistics (Astana, Expo Centre)
Powerexpo (Almaty, Atakent)
AgroWorld Kazakhstan (Almaty, Atakent)
Cold Storage, Transportation and Cold Chain Services (Almaty, Atakent)
FoodExpo Qazaqstan (Almaty, Atakent)
QazPack (Almaty, Atakent)
HoRex (Almaty, Atakent)
Zemin Syýahat hojalyk jemgyýeti ähli guramaçylyk meselelerini, şol sanda myhmanhanalary bronlamak, wiza goldawy, geçirimler we sergilerde hasaba alynmak ýaly meseleleri öz üstüne alýar. Kompaniýa munuň türkmen kärhanalary üçin gazanan üstünliklerini görkezmek, täze hyzmatdaşlary tapmak hem-de eksport mümkinçiligini ýokarlandyrmak üçin ajaýyp mümkinçilikdigini nygtaýar.
Gyzyklanma bildirýän kompaniýalara has giňişleýin maglumat almak we sergilere gatnaşmak üçin Zemin Syýahat hojalyk jemgyýeti bilen habarlaşmak maslahat berilýär:
Çäreleriň geçiriljek senesiniň üýtgäp biljekdigini ýadyňyzdan çykarmaň.