Asly ukrainaly amerikaly tanymal aktrisa Mila Kunis bilen adamsy Eşton Katçe ukrainaly bosgunlar üçin 3 million dollarlyk pul kömegini berendigini habar berdi.
Images Dawn saýtynyň berýän habaryna görä, Kunis bilen adamsy Katçe sosial mediadan beren habarnamasynda ukrainaly bosgunlar üçin 3 million dollarlyk pul kömegini berendiklerini mälim etdi.
Mila Kunis “1983-nji ýylda Ukrainanyň Çerniwtsi şäherinde doguldym. 1991-nji ýylda ABŞ-na geldim. ABŞ-nyň raýaty bolandygym üçin özümi bagtly hasap edýärin. Bu ýurduň meniň we maşgalam üçin durmuşa geçiren işlerini halaýaryn. Elbetde Ukrainaly bolandygym üçin buýsanýaryn” diýdi.
Adamsy Katçe hem “Ukrainaly zenan bilen durmuş gurandygym üçin buýsanýaryn” diýdi.
Katçe “Ukrainada başdan geçirilýän wakalar diýseň gynandyryjy. Adamzada garşy edilýän şeýle hüjümlere bu dünýäde asla ýer ýok” diýip belledi.
Mila Kunis bilen adamsy Eşton Katçe ukrainaly bosgunlar üçin 3 million dollarlyk pul kömegini berendiklerini mälim etdi we Ukraina üçin 30 million dollarlyk ýardam kampaniýasynyň başladylandygyny belledi.