City Business School halkara işewürlik mekdebi 18-nji awgustda mahabatyň netijeliligine baha bermäge bagyşlanan işewürlik ertirligi görnüşinde mowzuklaýyn çäre geçirýär.
Işewürlik ertirligini dolandyryş we marketing geňeşçisi, işewürlik-geňeşçilik ulgamynda 17 ýyllyk iş tejribesi bolan Daniil Maýkowskiý alyp barar. Şeýle hem Maýkowskiý MCT Agency konsalting kompaniýasynyň esaslandyryjylarynyň biri we kompaniýanyň işewürligi ösdürmek boýunça direktory, Gazagystanyň menejment boýunça geňeşçiler palatasynyň agzasy, Türkmenistanyň Ykdysadyýetçiler birleşiginiň geňeşçiler bölüminiň başlygy, StartUp Academy işewürlik merkeziniň esaslandyryjylarynyň biri hem-de baş direktorydyr (CEO).
Çärä gatnaşyjylar mahabat işini meýilleşdirmegiň we guramagyň usullary, onuň maksatlary hem-de gazanylan üstünlikleriň netijeliligine baha bermegiň usullary bilen tanşarlar. Alypbaryjy mahabaty meýilleşdirmäge we oňa netijeli baha bermäge kömek edýän gurallar barada gürrüň berer.
Guramaçylaryň belleýişleri ýaly, Mahabatyňyzyň netijeliligine nädip baha bermeli mowzugyndaky çärä gatnaşmak telekeçiler, işewürler, satuw we marketing bölüminiň ýolbaşçylary üçin aýratyn peýdaly bolar.
Işewürlik ertirligi 18-nji awgustda sagat 11: 00-da geçiriler. Gatnaşmagyň bahasy 300 manat.
Çäräniň geçiriljek ýeri: 1-nji seýilgäh (Aşgabat seýilgähi), Ashgabat restorany. Gatnaşmak üçin tölegi dolulygyna öňünden tölemeli.
Deslapky ýazylyşyk şu salgyda amala aşyrylýar.