Türkmenistanyň Mejlisi bilen Ýewropada Howpsuzlyk we Hyzmatdaşlyk Guramasynyň Parlament Assambleýasynyň bilelikde gurnamagynda geçirilen Ýewropada Howpsuzlyk we Hyzmatdaşlyk Guramasynyň çäginde parlament diplomatiýasy: dialog abadan we asuda geljek üçin hyzmatdaşlygy ýola goýmagyň guraly atly maslahata gatnaşmak üçin gelen Rumyniýanyň Parlamentiniň wekili Florin Aleksandr bilen türkmen-rumyn parlamentara dostluk toparynyň başlygy, Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy Bahar Seýidowanyň we deputatlaryň gatnaşmagynda duşuşyk geçirildi.
Bu barada Türkmenistanyň Mejlsi habar berýär.
Duşuşygyň barşynda Türkmenistan bilen Rumyniýanyň arasynda köptaraplaýyn häsiýete eýe bolan hyzmatdaşlygy syýasy, ykdysady, ylym-bilim, medeni-ynsanperwer, nebit-gaz, energetika, ulag aragatnaşyk, söwda we beýleki ugurlardaky gatnaşyklary parlament diplomatiýasynyň üsti bilen goldamak hem-de geljekde bu ugurlardaky gatnaşyklary berkitmek barada pikir alyşmalar boldy. Dünýä we sebit derejesinde, parahatçylyk, ösüş, hyzmatdaşlyk meselesi boýunça Türkmenistanyň edýän anyk tekliplerine ýokary baha berildi.
Rumyniýanyň Parlamentiniň wekili duşuşygyň dowamynda Türkmenistan bilen Rumyniýanyň parlamentiniň arasynda parlamentara gatnaşyklary berkitmäge we kanunçykaryjylyk işinde tejribe alyşmaga, türkmen-rumyn parlamentara dostluk toparlarynyň işjeňligini, ugurdaş komitetleriň arasynda gatnaşyklary ýola goýmaga taýýardyklaryny belledi.