Türkmenistanyň Döwlet simfoniki orkestri Resul Gylyjowyň dirižýorlyk etmeginde Rejep Rejepowyň kinosazlarynyň dünýäsi atly konsert berer. Aşgabadyň ýaşaýjylary we myhmanlary bu konserte gelip, ajaýyp sazlardan ruhy lezzet almaga çagyrylýar.
Konsert 6-njy noýabr güni Mukamlar köşgünde geçiriler. Konsertiň başlanýan wagty sagat 19:00.
Saz agşamynyň dowamynda Türkmenistanyň halk artisti, Magtymguly adyndaky döwlet baýragynyň eýesi bolan kompozitor Rejep Rejepowyň türkmen kinematografiýasynyň altyn gaznasyna giren meşhur kinolar üçin döreden sazlary ýerine ýetiriler.
Petekleri satyn almak bilen bagly sowallar üçin afişada görkezilen telefon belgilerine jaň edip bilersiňiz.