Katar döwletiniň Türkmenistandaky ilçihanasy Kataryň Milli gününe bagyşlanan dabaraly çäre geçirdi.
14-nji dekabrda bolan dabara Türkmenistanyň hökümetiniň adyndan söwda we daşary ykdysady aragatnaşyklar ministri K.Gurbanow hormatly myhman hökmünde gatnaşdy. Dabarada Katar döwletiniň Türkmenistandaky ilçisi Hamad bin Raşid Al Azbi giňişleýin mazmunda çykyş etdi.
— Ýurtlarymyzyň arasynda has üstünlikli hyzmatdaşlyga we doganlyk gatnaşyklarymyzy strategiki hyzmatdaşlygyň derejesine çykarmaga umyt edýäris — diýip, ilçi belledi.
Ilçi Katar döwleti bilen Türkmenistanyň arasyndaky hyzmatdaşlygyň ýokary derejä çykandygyny, esasan hem Katar Döwletiniň Emiri Şeýh Tamim bin Hamad Al Tani hem-de Türkmenistanyň Prezidenti Serdar Berdimuhamedow baştutanlygynda syýasy, söwda-ykdysady, medeni we sport ugurlarynda aýratyn häsiýete eýedigini nygtady.