Paýtagtymyzda 14 ýaşa çenli ýetginjek oglan-gyzlaryň arasynda tennis boýunça Ashgabat Open 2024 atly halkara ýaryş geçirilýär.Aşgabat şäherindäki Olimpiýa şäherçesiniň Tennis toplumynda geçirilýän bu halkara ýaryş özüne dünýäniň onlarça ýurdundan 14 ýaşa çenli tennisçi oglan hem-de gyzlaryň 63-sini jemleýär.
Oňa Beýik Britaniýadan, Hindistandan, Eýrandan, Iordaniýadan, Gazagystandan, Malaýziýadan, Birleşen Arap Emirliklerinden, Pakistandan, Täjigistandan, Türkiýeden, Özbegistandan we Türkmenistandan türgenler gatnaşýarlar.Halkara ýaryşa ýurdumyzdan 20 oglan we 22 gyz wekilçilik edýär.
Tennis sportunyň geljegine uly ynam bildirilýän ýaş ýyldyzlaryň türkmen paýtagtynyň açyk birinjiligindäki duşuşyklary gyzgalaňly ýagdaýda dowam edýär. Ýekeleýin, jübütleýin hem-de toparlaýyn geçirilýän ýaryşlarda Ashgabat Open 2024 ýaryşynyň duşuşyklarynda türkmen tennisçileriniň görnetin öňe saýlanandygyny, olaryň güýçli garşydaşlarynyň birnäçesinden üstün çykandygyny nygtamak gerek. Ýaryşyň ilkinji günlerinde ildeşlerimizden Muhammetsapa Serdarow, Süleýman Hudaýberdiýew, Aly Geldiýew, Ylýas Mämmetgulyýew, Ýasin Faýzullaýew, Erkin Altyýew, Kerimgeldi Welibegow, Eýupbeg Atajanow, Ýunus Annamyradow, gyzlardan Sülgün Işankulyýewa, Sähra Garahanowa, Leýli Esenowa, Mähri Mammedowa, Jennet Orazalyýewa, Anna Ponýatowa, Kseniýa Sorokina dagy ýekeleýin ýaryşlarda ýeňiş gazanyp, nobatdaky tapgyra çykmagy başardy. Ýaryşa gatnaşmak üçin daşary ýurtlardan paýtagtymyza gelen myhmanlar Aşgabadyň ajaýyp ýerlerine aýlanyp görmäge, gezelenç etmäge mümkinçilik alýarlar. Şeýle hem medeni maksatnamanyň çäklerinde Älem medeni-dynç alyş merkezi, Janly tebigatyň milli muzeýi, Halkara ahalteke atçylyk sport toplumy, Berkarar, Aşgabat, Arkaç söwda-dynç alyş merkezleri we Arkadag şäheri bilen tanyşlyk göz öňünde tutulypdyr.
Halkara ýaryşyň açylyş dabarasy 11-nji noýabrda Olimpiýa şäherçesiniň 4 müň orunlyk sport toplumynda geçirildi. /* custom css */ .td_uid_15_67373a12a911b_rand.td-a-rec-img { text-align: left; } .td_uid_15_67373a12a911b_rand.td-a-rec-img img { margin: 0 auto 0 0; }