ok.ru/turkmenworld-yň fotosy
Türkmenistanyň prezidenti Gurbanguly Berdimuhamedow 3-nji awgustda ministrler bilen maslahat geçirip, Oýunlara gatnaşyjylary ýokary hilli önümler: dokma, azyk, sowgatlyk we beýlekiler bilen doly üpjün etmegi tabşyrdy. Bu barada TDH döwlet habar gullugy habar berýär.
Ýaryşlaryň geçiriljek ýerleinde sogatlyk önümleriň satuwynyň başlanýandygy, olimpiýa şäherçesiniň golaýynda ýerleşýän söwda merkezleriniň bolsa gije-gündiz işlejekdigi bellendi.
Oýunlara gatnaşjak türgenleri hem-de myhmanlary azyk önümleri bilen üpjün etmek Oba we suw hojalygy ministrligine tabşyryldy. Senagatçylar we telekeçiler birleşigine Oýunlara gatnaşýan türgenleri, resmi wekiliýetleriň agzalaryny, myhmanlary, köpçülikleýin habar beriş serişdeleriniň wekillerini, meýletinçileri we hyzmat edýän işgärleri ýokary hilli iýmit bilen üpjün etmek tabşyryldy.
Azyk önümleriniň saklanylyşyna, dürli naharlaryň taýýarlanylyşyna we arassaçylyk kadalarynyň berjaý edilişine gözegçilik etmed Döwlet sanitar-epidemiologiýa gullugyna tabşyryldy.
Ýatladýarys, 7-nji iýulda gol çekilen karara laýyklykda Aziada gatnaşyjylary naharlamak “Gül zaman” hojalyk jemgyýetine we Şweýsariýanyň Gourmet Sports Hospitality AG kompaniýasyna ynanyldy.