Ozal habar berşimiz ýaly, şu gün Aşgabat köpugurly stadionynda Altyn Asyr bilen Merw futbol toparlarynyň AFK-nyň kubogyndaky duşuşyklary geçirer.
AFK-nyň kubogy 2023/24-iň ikinji tapgyrynyň çäginde Merw Gyrgyzystanyň Abdyş-Ata toparyny kabul eder. Altyn Asyr bolsa Täjigistanyň Rawşany bilen güýç synanyşar.
Merw Abdyş-Ata duşuşygyny 17:00-da, Altyn Asyr Rawşan duşuşygyny bolsa 21:00-da başlanar.
Türkmenistan Sport teleýaýlymy Aşgabat stadionda geçiriljek iki halkara duşuşygyny göni ýaýlymda görkezer.Bu barada www.jankoyer.com.tm saýty habar berýär.Sagat 17:00-da başlaýan Merw Abdyş-Ata duşuşygyny Gyrgyzystanyň KTRK teleýaýlymy, 21:00-da başlaýan Altyn Asyr Rawşan duşuşygyny bolsa, Täjigistanyň Varzish, Futbol HD teleýaýlymlary göni ýaýlymda tomaşaçylaryna ýetirerler.
Türkmenistan Sport, Varzish, Futbol HD teleýaýlymlarynyň Türkmenistanda IPTV arkaly elýeterdigini ýatladýarys.
AFK-nyň Kubogy 2023/24: Merkezi zolak, 2-nji tapgyr: 05.10.2023ý.
17:00 | Merw (TÜRKMENISTAN) Abdyş-Ata (Gyrgyz Respublikasy)
TV: Türkmenistan Sport teleýaýlymy (Türkmenistan), KTRK teleýaýlymy (Gyrgyzystan)
Duşuşygyň emini: Tam Ping Wun (Hytaý)
Kömekçi eminler: So Kai Man, Fok Pong Şing (ikisem Hytaý)
Ätiýaçdaky emin: Ramaçandran Wenkateş (Hindistan)
Gözegçi emin: Khoja Enab Saber (Saud Arabystany)
Duşuşygyň komissary: Tulefat Yaser Khalil Ebrahim Abdulla (Bahreýn)
21:00 | Altyn Asyr (TÜRKMENISTAN) Rawşan (Täjigistan)
TV: Türkmenistan Sport teleýaýlymy (Türkmenistan), Varzish, Futbol HD teleýaýlymlary (Täjigistan).