Aşgabat futbol topary şu günler täze baş tälimçisi Tofik Şukurowyň ýolbaşçylygynda Birleşen Arap Emirlikleriniň Dubaý şäherinde okuw-türgenleşik ýygnanyşygyny alyp barýar. Bu ýygnanyşyk 10 günläp dowam eder.
Tofik Şukurowyň milli çempionatyň birinji ýarymynda Köpetdagyň baş tälimçisi bolup işländigini ýatladýarys. Ol Aşgabatda ozalky tälimçi Said Seýidowyň ornuna geldi.
BAE-däki ýygnanyşykdan soň Aşgabat futbol topary Türkmenistanyň çempionatyndaky duşuşyklaryny dowam etdirer. Topar üçünji aýlawdaky ilkinji duşuşygyny 16-njy awgust güni Köpetdag bilen geçirer.
Yzda galan iki aýlawda 16 utuk toplap bilen Aşgabat ýaryş tertibinde altynjy orny eýeleýär. Täze baş tälimçiniň öňünde çempionatyň galan böleginde netijeli çykyş etmek wezipesi goýuldy.