Şu günler Aşgabatda ýaşaýan maýyp adamlaryň arasynda jemgyýetçilik guramalarynyň merkeziniň paýtagtdaky maýyplar üçin ýetip gelýän Bitaraplyk güni we Täze ýyl baýramlary üçin sowgatlar paýlajakdygy barasynda maglumatlar ýaýraýar diýip “Türkmenistanyň Hronikasynyň” habarçylary bildirýärler.
Munuň üçin Garaşsyzlyk 104 bellikdäki gurama pasportyň nusgasyny (ýa bolmasa onuň ýerini tutýan resminamanyň), maýyplygynyň toparyny subut edýän saglyk-sosial barlag resminamanyň nusgasyny we bank kardynyň maglumatlaryny (reýkwizitlerini) tabşyrmaly.
Häzir bu barada eşiden maýyplar zerur resminamalary gyssagly ýygnaýarlar we merkeze tabşyrýarlar.
Emma, maýyplara nähili sowgatlar beriljekdigi (asla kömek beriljekmi) anyk däl.Bir gezek paýlanýan kömekler babatda resmi maglumat çap edilmedi.Tassyklanmadyk maglumatlara görä, olaryň bank kartlaryna 50 manat (döwlet bahadan 14,3 dollar ýa-da häzirki “gara bazar” nyrhdan 2 dollar) geçiriler.
Mundan owal Jemgyýetçilik guramalar merkezi ynsanperwerlik kömegi bilen meşgullanmandy.
Maýyplara käte-käte Gyzyl ýarym aý jemgyýeti sowgat paýlaýardy.
Ýöne, şu ýylyň maý aýynda mukaddes Remezan aýy bilen bagly Gyzyl ýarym aý jemgyýetine ýüz tutanlar işewürlerden hiç zat gelmändigini we bu gezek sowgat ýokdygyny aýdypdyrlar.
Şeýlede jemgyýet 2020-nji ýyldan 8-nji mart baýramynda aýal-gyzlara goşmaça zerurlyklary üçin iýmit önümleri toplumlaryny we däri-dermanlary paýlamagyny bes etdi.
Türkmenistanyň ilaty sosial taýdan goramak Kodeksi boýunça maýyplaryň iň pes pensiýalarynyň möçberi şular:
-I-nji topar maýyplar üçin -iň pes pensiýany hasaplamak üçin döredilen esasy bahanyň 155 göterimi ( 577 manat ýa-da 165/24 dollar)
-II-nji topar maýyplar üçin-135 göterimi (502 manat ýa-da 144/21 dollar)
-III-nji topar maýyplar üçin-115 göterimi (487 manat ýa-da 139/20 manat)
2021-nji ýyldaky iň pes pensiýany kesgitlemek üçin esasy nyrh 372 manat. The post Aşgabadyň maýyp ýaşaýjylary ýetip gelýän baýramlarda 2 dollarlyk sowgatlar beriljekdigi baradaky myş-myşlar sebäpli, güwänamalar ýygnaýarlar first appeared on Türkmenistanyň Hronikasy.