Dünýäniň iň gadymy futbol bäsleşigi bolan Angliýanyň FA Kubogyny Londonyň “Arsenal” topary eýeledi.Topçular “Wembley”-de oýnalan finalda şäheriň beýleki topary “Çelsi” bilen duşuşdy. Çekeleşikli geçen oýnuň 5-nji minutynda “Çelsi” Kristian Pulişiçiň goly bilen öňe saýlandy.
Oýnuň 28-nji minutynda eminiň bellän penalti urgusyny Pier-Emerik Obameýang dürs ýerine ýetirip, hasaby deňledi.Duşuşygyň 67-nji minutynda ýene-de Obameýang owadan gol bilen “Arsenaly” 21 öňe çykardy.
Oýnuň 73-nji minutynda 2-nji sary kartyny alan Mateo Kowaçiç meýdançadan çykaryldy. Şeýlelikde, “Arsenal” 21 hasabynda ýeňiş gazanyp, 14-nji gezek FA Kubogyny eýeledi.Bu ugurda 1-nji hatarda barýan “Arsenal” soňky gezek 2017-nji ýylda-da “Çelsini” 21 hasabynda ýeňipdi.
Mikel Arteta “Arsenalyň” taryhynda hem oýunçy, hemem tälimçi hökmünde FA Kubogyny ilkinji şahsyýet boldy.