Angliýanyň çempionaty “Premier Liganyň” 17-nji tapgyrynyň çäginde “Arsenal” myhmançylykda “West Bromwiç Albion” topary bilen duşuşdy.Myhmanlaryň artykmaçlygynda geçen oýunda londonlylar 4-0 hasabynda ýeňiş gazandy.
Topçulara ynamly ýeňiş getiren gollary 1-nji ýarymda Tirni (23) bilen Saka (28), 2-nji ýarymda-da soňky oýunlarda yzygiderli tapawutlanýan Lakazett (61, 64) derwezä girizdi. Şeýlelikde, 15-nji tapgyrda 7 oýunda soň, ýeňiş gazanan “Arsenal” yzly-yzyna 3-nji gezek garşydaşlaryndan üstün çykdy.
Kem-kemden özüni dürsäp başlan “Arsenal” bu tapgyrdan öň “Braýtony” hem ýeňipdi.Möwsümdäki 7-nji ýeňşini gazanan “Arsenal” 11-nji orna beýgeldi.
Şeýle-de Angliýanyň 17-nji tapgyrynyň çäklerinde şu wagta çenli şu duşuşyklar geçirildi:
Ewerton West Ham: 0-1
Mançester Ýunaýted Aston Willa: 2-1
Tottenham Lids: 3-0
Kristal Palas Şeffild Ýunaýted: 2-0
Braýton Wulwerhempton: 3-3
West Bromwiç Arsenal: 0-4
The post “Arsenal” özüni dürseýär appeared first on Zaman Türkmenistan.