Arkadag şäheriniň Şükür bagşy adyndaky çagalar sungat mekdebinde ýurdumyzyň çagalar döredijilik toparlarynyň Arkadagyň bagtyýar nesilleri atly aýdym-sazly çykyşlary boldy. Ýaşajyk artistleriň joşgunly aýdym-sazlarydyr tanslary tomaşaçylarda uly täsir galdyrdy. Tämiz çaga kalbyndan joşup çykýan owazlar, şatlyga we mähire beslenen ajaýyp çykyşlar Watanymyza, öz arzuwlaryny hasyl etmäge giň mümkinçilikleri döredýän hormatly Prezidentimize çäksiz hoşallygyň özboluşly çeper beýany bolup ýaşlandy.
Körpeler dost-doganlyk, ynsanperwerlik, parahatçylyk, bagtyýar durmuş hakynda aýdymlary ýerine ýetirdiler. Şu gezekki konsertiň maksatnamasyna ýaşlaryň ukyp-başarnyklarynyň dürli ugurlaryny açyp görkezýän aýdym-sazlar bilen bir hatarda, milli saz medeniýetimiziň köp öwüşginliligini beýan edýän eserler hem girizildi.