Türkmenistanyň çempiony Arkadag futbol kluby BAE-däki okuw-türgenleşik ýygnanyşygynyň çäginde Russiýanyň Pari NN topary bilen ýoldaşlyk duşuşygyny geçirer. Bu barada rus toparynyň metbugat gullugy habar berdi.
Oýun 18-nji fewralda geçiriler. Duşuşygyň geçiriljek stadiony we başlanjak wagty ýakyn wagtda mälim ediler.
Maglumat üçin, Pari Nižniý Nowgorod topary 2015-nji ýylda esaslandyrylyp, ol 2021-nji ýyldan bäri Russiýanyň Premýer-ligasynda çykyş edýär.
Ozal habar berşimiz ýaly, Wladimir Baýramowdan tälim alýan Arkadag topary 4-nji martda başlanjak Türkmenistanyň çempionatynyň täze möwsümine taýýarlyk görýär. Topar şu maksat bilen Türkiýäniň Antalýa şäherinde guralan okuw-türgenleşik ýygnanyşygynyň çäklerinde Demirgazyk Makedoniýanyň Wardar (1:0), Ukrainanyň Şahtýor (1:4) we Dnepr-1 (0:1) toparlary bilen ýoldaşlyk duşuşyklaryny geçirdi.