Saýlaw sandyklarynyň 90 göterimden gowragynyň sanalan saýlawlaryň ilkinji netijesine görä Watan üçin jebislik we şol bir wagtda häkimiýetiň başyndaky "Peronist" alýansynyň dalaşgäri ýurduň Ykdysadyýet ministri Seržio Massa sesleriň 36,26 göterimini alyp, saýlawy ilkinji bolup tamamlady.
Ýurtda 13-nji awgustda geçirilen deslapky saýlawlarda iň köp ses alan Azatlygyň ösüşi partiýasynyň dalaşgäri we aşa sagjy Hawýer Mileý bolsa sesleriň 30,20 göterimini alyp, saýlawy ikinji bolup tamamlady.
Üýtgeşiklik üçin jebislik koalisiýasynyň lideri, esasy oppozisiýa bileleşiginiň dalaşgäri Patrisiýa Bullriç bolsa sesleriň 23,81 göterimini alyp, saýlawy üçünji bolup tamamlady.
Watanymyz üçin edeliň partiýasynyň dalaşgäri Kordoba welaýatynyň gubernatory Huan Şirett sesleriň 7,04 göterimini we Çep we Zähmet fronty partiýasynyň dalaşgäri, aktiwist Myriam Bregman bolsa sesleriň 2,66 göterimini aldy.
Şeýlelik bilen Prezident saýlawynda üstün çykjak dalaşgäriň 19-njy noýabrda geçiriljek 2-nji tapgyr saýlawda anyklanjakdygy mälim boldy.
Argentinada saýlawçylar ýurduň täze prezidentini, wise-prezidentini, 24 senatory we 130 deputatyny saýlamak üçin ses beripdiler.