Lusail stadionynda geçirilen duşuşyga täsirli ýagdaýda başlan Argentinanyň ýygyndysy, 23-nji minutda Lionel Messiniň penalti urgysyndan geçiren goly bilen 1-0 hasabynda öňe geçdi.
"Tangoçylar" Fransiýanyň derwezesine 36-njy minutda Anhel Di Marianyň 36-njy minutda geçiren pökgüsi bilen hasaby 2-0-ä ýetirdiler.
Argentina duşuşygyň 1-nji ýarymyny 2-0 hasabynda tamamlady.
Duşuşygyň soňky 10 minudynda Fransiýa ajaýyp derejede oýnady.
Fransiýanyň ýygyndysy Kilian Mbappeniň 80-nji we 81-nji minutlarynda ilkinjisi penaltiden bolmak bilen 97 sekundyň içinde geçiren pökgüleri bilen hasaby 2-2-ä ýetirdiler.
Galan wagtda ýygyndylaryň ikisi hem üstünlik gazanyp bilmedi we duşuşygyň adaty wagty 2-2 hasap bilen deňme-deň tamamlandy.
Goşmaça wagtyň ilkinji bölüminde deňme-deň ýagdaý dowam etdi.
Duşuşygyň 108-nji minudynda Lionel Messi, garşydaş ýygyndynyň derwezesine gol geçirip, hasaby 3-2-ä çykardy.
Emma Fransiýa göreşini dowam etdirdi we 118-nji munutda Mbappe penalti urgysy bilen geçiren goly bilen hasaby 3-3-e ýetirdi.
Duşuşygyň goşmaça wagty hem deňme-deň tamamlandy we penalti urgulary ýerine ýetirildi.
Penalti urgularynda Fransiýadan 4-2 hasabynda üstün çykan Argentina, 2022 FIFA Dünýä kubogynyň çempiony boldy.