Ýakynda Apple-iň paýnamalary rekord derejede gymmatlap, onuň Nýu-Ýork biržasyndaky kapitallaşdyrmasy 3 trillion dollardan geçdi. Netijede, Apple baýlygy 3 trillion dollardan geçen taryhda ilkinji kompaniýa boldy. Bu barada kommersant.ru habar berdi.
Korporasiýanyň paýnamalarynyň bahasy rekord derejede gymmatlap, 182,85 dollara ýetdi. Şondan soň bolsa onuň bahasy birneme aşaklady. Ýatlap geçsek, Apple-iň kapitallaşdyrmasy 2020-nji ýylyň awgust aýynda 2 trillion dollardan geçipdi. 2021-nji ýylda bu bellikden Microsoft korporasiýasy hem geçdi. Häzir onuň baýlygy 2,5 trillion dollardan geçýär. Alphabet we Amazon kompaniýalarynyň baýlygy bolsa häzir 1 trillion dollardan geçýär.