Arsenal bilen Mançester Siti toparlarynyň arasynda Angliýanyň premýer-ligasynyň 12-nji tapgyrynyň soňa süýşürilen oýny geçirildi.
Emereýts stadionynda geçirilen oýun 1:3 hasabynda myhman topar Mançester Sitiniň ýeňşi bilen tamamlandy. Sitiniň düzüminde De Bruýne (24), Griliş (72) we Holand (82) tapawutlandy. Arsenalyň jogap topy bolsa 42-nji minutda penaltini dürs ýerine ýetiren Sakanyň adyna ýazyldy.
Şeýlelikde, Mançester Siti 23 oýundan soňra 51 utuk bilen turnir tablisasynyň birinji basgançagyna geçdi. Edil şonça utuk toplan Arsenal ikinji ýerde barýar, emma topçularyň Mançester Sitiden bir oýun az geçirendigini bellemek gerek. Üçünji ýerdäki Mançester Ýunaýtedde 46 utuk bar.
Ýeri gelende bellesek, Arsenal APL-yň çäklerinde bassyr 11-nji gezek Mançester Sitiden ýeňlişe sezewar boldy. London kluby 2015-nji ýyldan bäri APL-yň oýunlarynda Mançester Sitini utup bilenok.