UEFA-nyň Çempionlar ligasynyň 2021/2022-nji ýyl möwsüminiň final duşuşygy Madridiň Realynyň tälimçisi Karlo Ançelotti üçin täze özboluşly rekordy bagyş etdi. Tälim berýän toparynyň mynasyp bolan arzyly baýragy Ançelottiniň tälimçi hökmünde bu ugurda gazanan 4-nji kubogy bolup, ol futbolyň taryhynda tälimçileriň görkezen netijeleriniň içinde iň tapawutlysyna öwrüldi.
Ançelotti mundan öň UEFA-nyň Çempionlar ligasynyň kubogyna 2003-nji hem-de 2007-nji ýyllarda Milan topary bilen, şeýle-de 2014-nji ýylda Madridiň Realy bilen eýe bolupdy. Bu baýragy üç gezek gazanan tälimçiler bolsa Zinedin Zidan bilen Bob Peýslidir.
62 ýaşly italiýaly tälimçi 2021-nji ýylyň tomsundan bäri Madridiň Real toparyna tälim berýär. Onuň şägirtliginde topar Ispaniýanyň futbol ligasynyň 2021/2022-nji möwsüminde ýeňiş gazandy. Karlo Ançelottiniň Ýewropanyň esasy bäş futbol ligasynda toparyny ýeňşe ýetiren ilkinji tälimçidigini hem bellemek gerek.
Madridiň Real topary bilen Liwerpulyň arasynda geçen UEFA-nyň Çempionlar ligasynyň 2021/2022-nji ýyl möwsüminiň final duşuşygynyň 1:0 hasabynda Realyň ýeňşi bilen tamamlanandygyny ýatladýarys.