Amerikan ýazyjy zenany Harper Liniň “Bilbiliň öldürilmegi” romany amerikanlaryň iň eý görýän kitaby bolup çykdy.Muňa PBS teleýaýlymynda berlen “The Great American Read” gepleşiginde mälim edilen sesleriň netijeleri şaýatlyk edýär.
Iň meşhur kitabyň saýlawy alty aý dowam edip, şol döwrüň içinde 4 million töweregi ses berildi.Bäsleşige däp boýunça ýüz kitap gatnaşdyryldy.Olaryň sanawy hünärmenler tarapyndan 7 müň amerikaly okyjynyň arasynda geçirilen pikir soraşma esasynda düzüldi.
Bäsleşigiň şertlerinde kitabyň iňlis dilinde ýazylandygy däl-de, eýsem, onuň Amerikada neşir edilendigi göz öňünde tutuldy.Iň meşhur eserleriň bäşligine Diana Gebldonyň “Ýat ýurtly zenan”, Joan Roulingiň “Garri Potter”, Jon Tolkiniň “Ýüzükleriň hökümdary”, Jeýn Ostiniň “Buýsanç we ýalan ynam” ýaly romanlary girdi.
Emma Harper Liniň romany hemmesinden öňe saýlandy.Gepleşigi alyp baryjy Meredit Wieýra: “Bilbiliň öldürilmegi” ses berlişigiň birinji gününde liderligini saklady we henize çenli öz ornuny elden berenok diýip belläp geçdi.
Amerikanlaryň eý görýän romany 1960-njy ýylda neşir edildi we tiz wagtda iň köp satylan kitaplaryň biri bolup, 1961-nji ýylda Pulitser baýragyna mynyp boldy.Kitap esasynda 1962-nji ýylda film ekranlaşdyrylyp, iň oňat amerikan filmleriniň 100-lügine girdi.