Täze enjam çygy toplaýar we ony wodoroda hem-de kisloroda bölýär diýip, News.mail.ru ýazýar.
Wodorod arassa ýangyjyň iň ygtybarly çeşmesidir, ol zyýanly zyňyndylary bölüp çykarmaýar, şeýle-de Gün, ýel we daşgyn çeşmelerinden energiýany almakda peýdalanylyp bilner. Emma ony bölüp almagyň kynlygy çylşyrymly tehnologiýa hem-de arassa süýji suw gerek.
Angliýanyň Mançester uniwersitetiniň we Awstraliýanyň Melburn uniwersitetiniň işgärleri şeýle enjamyň nusgasyny döretdiler, ol çygly howadan suwy ýygnamaga ukyplydyr hem-de bary-ýogy 4 göterim çyglylyk derejesinde hem işläp bilýär.
Enjam elektrolizeriň nusgalygy bolup, gaýtadan dikeldilýän energiýa çeşmelerinden alynýan elektrik togunda işleýär, howanyň düzümindäki suwy özüne sorup, bir wagtda elektroliti saklamak üçin gap bolup hyzmat edýär.
Geçirilen barlaglar enjamyň kanagatlanarly işleýändigini görkezdi.
Ylmy-barlagyň netijeleri Nature Communications žurnalynda çap edildi.