Çaganyň häsiýetini ene-atasynyň häsiýetlerinden ugur alyp öňünden kesgitlemek mümkin däl. Köpler Kakasy nähili bolsa, ogly-da şonuň ýaly diýen söze ynanýarlar, sebäbi olar çaganyň häsiýeti barada ene-atasyna garap baha berýärler. Emma Şotlandiýanyň Edinburg uniwersitetiniň alymlary çaganyň şahsy häsiýetini onuň ene-atasyna baha berip, kesgitlemek ýalňyş diýen netijä geldiler.
Bu barada Daily Mail neşirine salgylanýan Mail.ru ýazýar.
Ylmy barlaglara 1 müň adam (ene-atalaryň 500 jübüti) gatnaşdyryldy. Olar özleriniň häsiýetleri, şeýle-de durmuşdan kanagatlanma derejesi barada gürrüň berdiler. Barlaglara gatnaşanlaryň häsiýetleridir endikleri baradaky olaryň ýakynlarynyň hem pikirleri diňlenildi.
Görlüp oturylsa, şahsy häsiýetleriň miras geçijiligi bary-ýogy 40 göterim töweregi eken. Ýagny çagalaryň 60 göterimden gowragy öz ene-atalaryna düýbünden meňzemeýär.
Şeýle-de alymlaryň pikiriçe, çaganyň häsiýetiniň terbiýä hem-de ýaşaýan gurşawyna baglydygy baradaky garaýyş hem ýalňyş bolup çykdy, ýagny ene-atasy bilen bile ýaşamak çagany olara meňzeş etmeýär.