AFK Kubogynda “D” toparçada çykyş edýän Türkmenistanyň çempiony “Altyn asyr” nobatdaky duşuşygynda ýeňiş gazandy.Balkanabatda Gyrgyz Respublikasynyň wekili “Alaý Oşy” kabul eden türkmen futbolçylary garşydaşyndan 41 hasabynda üstün çykdy.
Gollaryň 4-sini hem ezber oýunçymyz Murat Ýakşiýew öz adyna ýazdyrdy.Ol oýnuň 33-nji, 42-nji, 82-nji we 84-nji minutlarynda tapawutlandy.Gyrgyzlaryň ýeke-täk pökgüsini-de 53-nji minutda Murolimjan Ahmedow derwezä girizdi.
Duşuşygyň 68-nji minutynda myhman topardan hüjümçi Alia Sylla 2-nji sary petegi alyp, meýdançadan çykaryldy.Toparçadaky beýleki oýun hem 41 hasabynda gutaryp, Täjigistanyň “Istikloly” myhmançylykda gyrgyzlaryň “Dordoý” toparyndan üstün çykdy. Şunlukda, 5-nji oýunlardan soň, “Istiklolyň-da”, “Altyn asyryň-da” 13 utugy bar.
Gol aratapawudy bilen “Istiklol” häzirlikçe 1-nji hatarda barýar.Toparçadan diňe 1 klubuň ýaryşy dowam etdirjekdigini nazarda tutsak, “Altyn asyra” myhmançylykda “Istikloly” ýeňmegi gerek ýa-da 22-den ýokary deňlik hem bolýar.
Finala barabar bu duşuşyk 31-nji maýda Duşenbe şäherinde oýnalar.
“Altyn asyr”—“Alaý Oş”: 41
“ALTYN ASYR”: Mämmet Orazmuhammedow, Şöhrat Söýünow, Serdar Annaorazow, Akmyrat Jumanazarow, Gurbangeldi Batyrow, Döwran Orazalyýew, Resul Hojaýew (Umidjan Astanow 75), Murat Ýakşiýew, Arslanmyrat Amanow, Altymyrat Annadurdyýew, Süleýman Muhadow (Mihail Titow 55, Mekan Aşyrow 79).
“ALAÝ OŞ”: Abduaziz Makamow, Iliaz Alimow, Nursultan Atamuraziw, Akronjon Umarow, Suhrat Rahmanow (Ulugbek Riskulow 82), Murolimjan Ahmedow, Odiljon Abdurahmanow, Issa Modibo Sidibe (Umarbekn Tuhtasinow 84), Bakybek Mamatow, Alia Sylla, Maksadbek Alimow (Wladimir Ýerewkin 86).
GOLLAR: Murat Ýakşiýew 33, 42, 82, 84 — Murolimjan Ahmedow 53SARY PETEKLER: Jumanazarow, Annadurdyýew — Atamuraziw, Alimow, SyllaGYZYL PETEK: Sylla (68)
“D” TOPARÇA O Ý D U P U“Istiklol” 5 4 1 0 144 13“Altyn asyr” 5 4 1 0 123 13“Dordoý” 5 1 0 4 211 3“Alaý Oş” 5 0 0 5 414 0