Türkmenistanyň futbol çempionatynda 28-nji tapgyryň oýunlary oýnaldy. 2 oýunda myhmanlar, 2 oýunda-da ýer eýeleri ýeňiş gazandy.Sanawyň lideri “Ahal” myhmançylykda “Köpetdag” bilen duşuşdy.Myhmanlaryň artykmaçlygynda geçen duşuşykda “Ahal” 41 hasabynda ýeňşini baýram etdi. “Ahalyň” gollarynyň 2-sini Süleýman Orazow, beýlekilerini-de Didar Hajyýew bilen Begenç Akmämmedow derwezä girizdi. Ýer eýeleriniň ýeke-täk pökgüsini-de 45+2-nji minutda Öwezbaý Annagulyýew öz adyna ýazdyrdy. “Merw” bilen “Aşgabadyň” arasyndaky oýunda ýeňijini bir pökgi kesgitledi.
Ony-da oýnuň ahyrynda, has takygy, 90-njy minutda ýer eýeleriniň ezber hüjümçisi Begenç Alamow penaltiden girizdi. “Turan” öz meýdançasynda “Balkandan” 10 hasabynda asgyn geldi. Şol ýeke-täk pökgini-de Akper Ali ýalňyşlyk bilen öz toruna girizdi. 24-nji tapgyryň galdyrylan oýnunda “Altyn asyr” öz meýdançasynda “Aşgabat” toparyny kabul etdi.
Duşuşykda janköýerler 7 goluň şaýady boldular.Gollaryň ählisini-de “Altyn asyr” toparynyň oýunçylary geçirip, 70 hasabynda taryhy ýeňiş gazandy.Oýunda 4 gezek tapawutlanan Murat Ýakşiýew çempionatdaky gollarynyň sanyny 21-e ýetirdi.
Beýleki gollary-da Mekan Aşyrow, Gurbangeldi Batyrow hem-de Furkat Tursunow derwezä girizdi.