Ýurdumyzyň çempiony “Altyn asyr” toparynyň AFK-nyň Kubogy ýaryşyndaky ýeňişli ýörişi dowam edýär. “Altyn asyr” topary bu kubogyň ýarym finalynda çykyş etmäge hukuk gazandy.Ildeşlerimiz myhmançylykda 32 ýeňen toparyny, ýagny “Bengaluru” toparyny Aşgabatda-da ýeňlişe sezewar etmegi başardy.Paýtagtymyzdaky “Köpetdag” stadionynda 12326 janköýeriň şaýatlygynda geçen oýna Saud Arabystanyndan Turki Mohammed Alkhudaýyr eminlik etdi.
Oýnuň ilkinji ýarymynda howply pursatlar bolsa-da, hasap açylmady.Duşuşygyň ilkinji minutlarynda ildeşlerimiziň derwezä girizen pökgüsini eminler offsaýt diýip, hasaba almady.Umuman 1-nji ýarymda toparlar hüjüm baryny etse-de, olara hasaby açmak başartmady.
Ikinji ýarymyň ilkinji 5 minutynda ildeşlerimiz öňe saýlandy.Has takygy, 50-nji minutda çep gapdaldan geçirilen hüjümde jerime meýdançasyna giren dessine topy batly uran Altymyrat Annadurdyýew hasaby açdy.
Bu goluň pasyny Selim Nurmyradow berip, onuň ilkinji ýarymda ýerine ýetiren owadan urgusynyň derwezäniň sütünine golaý ýerden meýdançanyň daşyna gidendigini hem belläliň.Duşuşygyň 58-nji minutynda Mekan Saparowyň 2530 metr aralykdan uran batly urgusy gapdal sütüne degip, yzyna gaýtdy. Şol pursatda-da Wahyt Orazsähedowa öňüne düşen topy derwezä gönükdirmek kyn düşmedi. Şeýlelikde, hasap 20-a çykýar. Şondan soň, myhman topar hasaby deňlejek bolup tagalla baryny etdi, ýöne bu olara başartmady.
Netijede, 20 hasabynda ýeňiş gazanan “Altyn asyr” Interzolagyň finalçysy, başgaça aýdylanda-da, AFK Kubogynyň ýarym finalçysy boldy.
Indiki garşydaşy “Aprel 25” topary“Altyn asyryň” nobatdaky garşydaşy bolsa, Demirgazyk Koreýanyň “Aprel 25” topary bolar.Ilkinji duşuşyk 19-njy sentýabrda Phenýanda, jogap oýny bolsa, 3-nji oktýabrda Aşgabatda oýnalar.Interzolagyň beýleki ýarym final duşuşygynda-da Demirgazyk Koreýanyň “Aprel 25” topary öz meýdançasynda Singapuryň “Houm Ýunaýted” toparyndan uly hasap bilen üstün çykdy. 1-nji duşuşykda 20 hasabynda utulan singapurlylar 19-njy minutda hasaby açdy.
Dessine hasaby deňlän koreýler 1-nji ýarym tamamlanmanka ýene-de 3 pökgi girizdiler. 2-nji ýarymda-da 5 gezek tapawutlanan ýer eýeleri 91 hasabynda ýeňşini baýram etdi (Om Çol-son 23, 40, 45+2 p, Rim Çol-min 30, An Il-bom 51 p, 65, Han Son-hýok 61, Son Phýon-il 79, Ýun Il-gwan 84 Son Ui-ýon 19).
Iki oýnuň netijesi boýunça 111 hasabynda garşydaşyndan üstün çykan “Aprel 25” ilkinji gezek Interzolagyň finalynda, AFK Kubogynyň-da ýarym finalynda oýnar.Ýeri gelende aýtsak, AFK Kubogynda beýleki Günbatar Aziýa zolagynyň finalynda-da Iordaniýanyň “Al-Jazira” topary bilen soňky 2 ýylyň çempiony Yragyň “Al-Kuwa Al-Jawiýa” kluby oýnar.
Olaryň arasyndaky ýeňiji-de Interzolagyň finalynyň ýeňijisi bilen 27-nji oktýabrda AFK Kubogynyň finalynda duşuşar.Final duşuşygy finalçylaryň haýsy hem bolsa, biriniň meýdançasynda oýnalar.
20 gezek çempion boldy1949-njy ýylda paýtagt Phenýanda döredilen, doly ady “April 25 Sports Club” bolan bu topar Demirgazyk Koreýanyň çempionatynda 20 gezek çempionlyk gazandy (19858687889092939495, 200203101112131517).
Toparçadaky oýunlarynyň hemmesini ýeňiş bilen tamamlan klub şol oýunlarda toruna 2 gol goýberdi.Toparçadaky oýunlarda Demirgazyk Koreýanyň başga bir topary “Hwaebuly” 10, 20, Hytaý Taýpeýiniň “Han Ýuen” klubuny iki oýunda-da 51, Makaonyň “Benfika de Makao” toparyny-da 80 we 20 hasaplar bilen ýeňdi.
Topar geçen ýylam AFK Kubogynda çykyş edip, Interzolagyň ýarym finalynda “Bengalurudan” asgyn gelipdi (30, 00).Topar irki ýyllarda AFK-nyň 1-nji derejeli bäsleşigi bolan AFK Çempionlar ligasynda 19851991-nji ýyllar aralygynda yzygiderli 6 gezek çykyş etdi. 1990/1991 möwsüminde bu ýaryşda 4-nji orny eýeledi. “Aprel 25” topary şu wagta çenli AFK-nyň 12-nji derejeli ýaryşlarynda 24 klub bilen duşuşdy.
Olaryň käbirleri bilen gaýta-gaýta gabatlaşan “Aprel 25” toparynyň ähli oýunçysy-da ýerli futbolçylardyr.Tälimçisi-de ýerli bolan “Aprel 25” toparynyň oýunçylarynyň aglabasy milli ýygyndyda hem çykyş edýär.