Azerbaýjanyň Prezidenti Ilham Aliýew we Ermenistanyň Premýer ministri Nikol Paşinýan, Ýewropa Bileleşigi Geňeşiniň başlygy Şarl Mişel bilen Üçtaraplaýyn maslahat geçirmek üçin Belgiýanyň paýtagty Brýussel şäherinde özara duşuşyk geçirerler.
Ermenistanyň Premýer ministrlik ofisinden berilen beýannama görä, Aliýew, Paşinýan we Mişel 31-nji awgustda Brýusselde duşuşyk geçirerler.
Aliýew we Paşinýan ozal hem Mişeliň araçylyk etmeginde 2020-nji ýylyň 14-nji dekabrynda, 2022-nji ýylyň 30-njy martynda we 22-nji maýynda Brýusselde duşuşyk geçiripdiler.
Aliýew we Paşinýanyň geçirjek duşuşygyndan 1 gün ozal bolsa Wise-premýerleriň ýolbaşçylyk etmeginde serhet kesgitleme komissiýasynyň maslahaty geçiriler.
Ermenistanyň hökümetinden berilen beýannama görä Azerbaýjanyň Wise-premýeri Şahin Mustafaýewiň bilen Ermenistanyň Wise-premýeri Mher Grigorýanyň ýolbaşçylyk etmeklerindäki komissiýa 30-njy awgustda Russiýanyň paýtagty Moskwa şäherinde maslahat geçirerler.