Belarus Respublikasynyň Prezidenti Aleksandr Lukaşenko düýn — 16-njy maýda resmi sapar bilen Azerbaýjana bardy.
Onuň ilki Azerbaýjanyň Prezidenti Ylham Aliýew bilen ikiçäk gepleşikleri boldy, soňra giňişleýin düzümde gepleşikler geçirildi diýip, Vesti.ru ýazýar.
Prezidentleriň umumy 10 sagat 55 minut gepleşik geçirendiklerini Belarusuň döwlet Baştutanynyň metbugat gullugyna salgylanýan çeşme habar berdi.
Saparyň ilkinji gününde söwda-ykdysady gatnaşyklar boýunça ylalaşyklara gol çekildi.
Belarusuň we Azerbaýjanyň Prezidentleri Bakuwdaky halkara sergä baryp gördüler diýip, MIR 24 ýazýar.
Sergide Belarusuň pawilýony uly meýdany tutýar, onda ýurtda öndürilýän dürli oba hojalyk önümleri görkezilýär. Belarusda öndürilýän et we süýt önümleri azerbaýjan bazarynda iň islegli harytlardandyr. Baku şäherinde geçýän bu iri oba hojalyk sergisine Belarus bäş ýyl bäri yzygiderli gatnaşyp gelýär.
Şu gün— 17-nji maýda Lukaşenko saparyň çäklerinde birnäçe duşuşyklary geçirer.