Alba döredijilik topary Aşgabadyň ýaşaýjylaryny we myhmanlaryny Arap gijesi şüweleňli tomaşasynda gündogar ertekileriniň jadyly dünýäsine aralaşmaga çagyrýar.
Şüweleňli tomaşanyň premýerasy 2-nji dekabrda bolar, döredijilik toparynyň soňraky şowhunly çykyşlary 3, 4 we 6-njy dekabr günleri sagat 18:00-da Gül Zaman toý zalynda görkeziler. Tomaşaçylara janly simfoniki orkestr, professional hor topary we zehinli tansçylar bilen bilelikde Aladdin hakyndaky rowaýaty janlandyrjak ajaýyp sahna oýny garaşýar.
Bu ertekiniň sahna eseri hökmünde durmuşa geçirmek üçin ýokary derejeli hünärmenleriň topary uly tagallalary edip, köp zähmet siňdirdi. Režissýor dueti Atageldi Rozyýew bilen Nina Supanko, dirižýor Kowus Bäşimow, horeograf Ýekaterina Begenjewa we toparyň çeper ýolbaşçysy Mähri Şammyýewa dagy özleriniň zehinlerini birleşdirip, ýatdan çykmajak şüweleňli tomaşany döretmegi başardylar.
Esasy keşpleri öz döredijilik zehini bilen tomaşaçylaryň ýüreklerinden turmagy başaran ussat artistler ýerine ýetirýärler: Döwran Şammyýew (Aladdin), Rustam Hojaýew (Jyn), Munisa Hudaýbergenowa (Jasmin), Slawa Lawin (Soltan), Wladimir Dadaýan (Jafar), Nina Supanko (Morrin daýza), Aleksandr Linskiý (Abu), Andreý Podosinnikow (Ýago), Igor Gorbaçýow (Haly).
Sungat döredijiliginiň jadyly owazy, mukamy we söz bilen beýan edip bolmajak joşguny bilen doldurylan gündogar ertekisiniň täsin dünýäsine aralaşmak mümkinçiligini elden gidirmäň!
Biletleri şu telefon belgilerden satyn alyp bilersiňiz:
(+993 62) 82 07 81
(+993 61) 72 78 63
Alba döredijilik toparynyň sahypasy sosial ulgamda bar.