Ýurdumyzda dünýä, sebit we milli ykdysadyýet üçin ähmiýetli çäreler, sergiler yzygiderli geçirilýär.Ine, şu günler hem biz şeýle çäreleriň biriniň şaýady bolýarys.Aşgabatdaky Türkmenistanyň Söwda-senagat edarasynda ýurdumyzyň ykdysady ösüşini we pugtalanýan kuwwatyny tassyklaýan telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň Türkmentel—2024 atly XVII Halkara sergisi geçirilýär.
Bu sergide ýurdumyzyň milli ykdysadyýetiniň aýrylmaz bölegi bolan aragatnaşyk we logistika ulgamynda ýetilen sepgitler açylyp görkezilýär.Biz hem bu sergä gatnaşyp, Belli Asman hojalyk jemgyýetinde işleýän ýerli hünärmenlerimiz tarapyndan taýýarlanan dünýä tejribesinde giňden ýaýran, durmuş ulgamlary we bazar ýerleri taslamasyny, ýagny Alaja atly ykjam programma üpjünçiligini hödürledik.
Bu programma habarlary we okuw materiallaryny ýaýratmaga, sosial ulgamlary içgin öwrenmäge, elektron söwdany ösdürmäge, täze iş orunlaryny tapmaga, elýeterli harytlary we hyzmatlary tapmaga, pudaklarda täze tehnologiýalary ornaşdyrmaga, sarp edijileriň hukuklaryny we howpsuzlygyny bilmäge, bilim we jemgyýetçilik ösüşi baradaky maglumatlary öwrenmäge ýardam berer.
Programma arkaly ulanyjylar wideo we sesli jaň edip, hat, surat, ses ýazgysyny ugradyp bilerler. Şeýle hem şular ýaly ençeme ähmiýetli zatlary biziň ykjam programmamyzdan tapyp bilersiňiz.Alaja programmasyny ýükläp, dostlaryňyz bilen aragatnaşykda boluň!
Pursatdan peýdalanyp döwletimizi dünýäniň ösýän döwletleriniň hataryna goşmakda, halkymyzyň ýaşaýyş-durmuş derejelerini ýokarlandyrmakda alyp barýan döwletli işleri üçin Gahryman Arkadagymyza, Arkadagly Gahryman Serdarymyza tüýs ýürekden hoşallyk bildirýäris.Mekan Eýeberdiýew, Belli Asman H.J-niň baş müdiriniň orunbasary, Alaja atly ykjam programmanyň esaslandyryjysy. /* custom css */ .td_uid_15_67373a1880ce7_rand.td-a-rec-img { text-align: left; } .td_uid_15_67373a1880ce7_rand.td-a-rec-img img { margin: 0 auto 0 0; }