Türkiýäniň kenarýaka Izmir şäherindäki duralgalara täze “akylly” ulgam ornaşdyryldy.Häzirlikçe diňe 5 duralgada ornaşdyrylan ulgamda duralga haýsy ugurdaky awtobusyň näçe wagtdan geljekdigi görkezilýär. Ýakyn geljekde bu ulgamyň şäheriň ähli duralgalaryna ornaşdyryljakdygy habar berildi. Şäheriň ýerli häkimiýeti jemgyýetçilik ulaglaryny sanlylaşdyrmagyň çäklerinde “akylly” duralgalardan başga taslamalary hem taýýarlapdyrlar. Ýakyn geljekde ýolagçylaryň el telefonlary arkaly haýsy awtobusyň nireden we haçan geçýändigini hem anyklap bilerler. Şeýlelikde öýden ýa-da işden çykjak wagtyny jemgyýetçilik ulagynyň gelýän wagtyna görä sazlap bilerler.
Bu bolsa ýolagçylara wagtyny tygşytlamaga ýardam eder.