Aktýor Jek Nikolsonyň dostlarydyr ýakynlary onuň terkidünýä ýaşaýşyndan biynjalyk bolýandyklaryny aýdýarlar. 85 ýaşly goja aktýor indi asla köpçülikde görünmeýär we öýünden seýrek çykýar diýip, RadarOnline neşirine salgylanýan MIR 24 ýazýar.
Nikolson şeýle-de dogan-garyndaşlary bilen seýrek görüşýär, şonuň üçin olar aktýoryň öz dosty Marlon Brando ýaly ýalňyzlykda durmuşy terk ederinden gorkýarlar. 2021-nji ýylda Jek Nikolsonyň demensiýadan ejir çekýändigi, oňa ogludyr gyzynyň gözegçilik edýändigi barada myş-myşlar peýda boldy. Еxpress neşiri bu babatda: Aktýoryň fiziki ýagdaýy oňat, emma ony diňe akyl-huşy köseýär diýip ýazdy.
Ýeri gelende aýtsak, Jek Nikolson 3 gezek Oskar baýragyny aldy. Ol kinodaky 60 ýyllyk zähmet ýolunda ençeme nusgalyk filmde surata düşdi, olaryň arasynda Dänenler, Betmen, Ikatýogyň höwürtgesiniň üstünden uçup, Nur ýaly ajaýyp filmler bar.