“Bleu Royal” atly gök almaz “Christie’s” auksion öýi tarapyndan satuwa çykarylar. Içki gurluşy ýokary derejede dury bolan gymmat bahaly daşyň örän ýokary bahadan satylmagyna garaşylýar. 17,6 karatlyk göwheriň 7-nji noýabrda Şweýsariýanyň Ženewa şäherinde geçiriljek auksionda satyljakdygy mälim edildi. Auksion öýiniň hünärmeni Rahul Kadakiýa şeýle dury hem-de uly göwheriň örän seýrekdigini belledi.
Mundan ozal auksion öýünde diňe üç sany göwher satyldy – 2010-njy ýylda 10,95 karatlyk “Bulgari Blue” 15,8 million dollara, 2014-nji ýylda 13,8 karatlyk “Winston Blue” 23,8 million dollara hem-de 2016-njy ýylda 14,62 karatlyk “Oppenheimer Blue” atly göwher 57,5 million dollara satyldy.
“Bleu Royal”-yň 2016-njy ýyldaky “Oppenheimer Blue”-nyň rekordyny täzelemegine garaşylýar.
Meretgül Nazarowa, Türkmen döwlet maliýe institutynyň talyby.