“Гундогар“, habar saýtynyň maglumatyna görä, “Air India” awiakompaniýasy 20-nji fewraldan Hindistanyň Amritsaryndan Britaniýanyň Birmingem şäherine gatnaýan yzygiderli göni, ýolda gonmazdan, uçar gatnawyna başlaýar. Bu gatnaw hepdede iki gezek amala aşyrylar. Ýolagçy gatnawyny “Boing -787” uçarlary amala aşyrýar.
Neşiriň ýazmagyna görä, “Türkmenhowaýollary” awiakompaniýasynyň uçarlarynyň Amritsardan Aşgabadyň üsti bilen Birmingeme amala aşyrýan gatnawlary uzak wagtlap Türkmenistanyň milli awiahyzmatlarynyň iň bir meşhur ugurlarynyň biri bolup galdy.
Belleýäris, “Türkmenistanyň Hronikasy” ozal bu reýsiň ýolagçylarynyň örän köp böleginiň “Türkmenhowaýollarynyň” reýslerindäki hyzmatyň hilinden, hem uçardaky, hem Aşgabat aeroportyndaky işgärleriň gödekliginden nägile galýandygyny habar berdi.