Siriýada täze hökümetiň lideri Ahmed Şara wagtlaýyn hökümetiň prezidenti hökmünde yglan edildi.
Siriýanyň habarlar gullugy SANA-nyň berýän habaryna görä, Şara bilen Daşary işler ministri Asad Hasan Şeýbaniniň we ýurtdaky harby wekilleriň gatnaşmagynda “Ýeňiş” konferensiýasy geçirildi.
Konferensiýada çykyş eden Şara “Allanyň goldaw bermeginde ejir çekýänleri we paýtagt Damasky halas etdik. Siriýanyň güneşi ýaňadandan dogdy” diýdi.
Şara “Şu günki günde Siriýada ilkinji nobatda içerki barlyşygy goramak, döwlet edaralaryny dikeltmek, ykdysady galkynyşy ýola goýmak we Siriýanyň halkara we sebitara derejesini täsirini güýçlendirmek diýseň möhüm” diýdi.
Daşary işler ministri Asad Hasan Şeýbani hem Siriýanyň daşary syýasatynyň özara ynama we strategik hyzmatdaşlyga esaslanýandygyny nygtady.
Harby operasiýalar edarasynyň metbugat geňeşçisi polkownik Hasan Abdülgani konferensiýanyň jemleýji jarnamasyny okady.
Abdülgani, Şarany geçiş döwründe Siriýanyň Prezidenti yglan edendiklerini we Şaranyň halkara derejesinde Siriýa iň gowy ýagdaýda wekilçilik etjekdigini habar berdi.
2012-nji ýylda güýje giren ýokary kanuny bes edendiklerini aýdan Abdülgani, agdarlan lider Başar Asada tabynlykdaky harby goşunyň, howpsuzlyk güýçleriniň we parlamentiň işini hem bes edendiklerini belledi.
Abdülgani Baas ulgamynyň agdarlan güni bolan 8-nji dekabry Siriýanyň milli baýramy hökmünde yglan edendiklerini ýatlatdy.
Şaranyň wagtlaýyn prezident yglan edilmegi, Damask, Homus, Latakiýe, Idlib we Hama welaýatlarynda şowhunly ýagdaýda gutlandy.