23-nji aprelde Ahalteke atlarynyň toplumynda türkmen bedewiniň milli baýramy prezident Serdar Berdimuhamedowyň gatnaşmagynda geçirildi diýip TDH döwlet täzelikler gullugy maglumat berýär.
Toplumyň girişinde prezidenti wise-premýerler, Milli Geňeşiň ýolbaşçylary, ministrler, welaýat, şäher, Aşgabat häkimleri we atşynaslar garşyladylar.
At janköýeri we çapyksuwar, öňki prezident Berdimuhamedow ne şenbe, ne-de ýekşenbe günki dabaralara gatnaşmady.
Şol bir wagtda, kiçi Berdimuhamedowa edil kakasy ýaly, 8 bedew sowgat edildi. (Biraz soňra döwletiň KHS-ri uly Berdimuhamedowyň sowgat edilen atlaryň birinde çapýandygy barada gürrüň beripdi).
Ahal welaýatynyň ýaşaýjylaryndan “Diýarym”, Balkanlylardan “Perzent”, Daşoguz welaýatyndan “Şabat”, Lebaplylardan “Gündogar”, Mary welaýatyndan “Belent” we Aşgabatlylardan “Meledepel” atly bedewler gowşuryldy.
Däp boýunça kiçi Berdimuhamedow atlaryň boýnuna garry enesi Ogulabat ejäniň ören alajalaryny baglap, soňra hormatly aýlawy etdi.
Soňra Ahalteke bedewleriniň gözellik bäsdeşligi geçirildi. Onda “Melebaş” atly at ýeňiji boldy.Onuň seýisi B.Juraýew prezidentiň sowgady “Lexus” kysymly awtoulagy we geçiji kubogy, diplomy aldy.
Soňra Ahalteke atynyň keşbini şekillendirmek boýunça bäsdeşligiň ýeňijileri yglan edildi. Olara “Tolkun” telewizory we diplomlar aldylar.
Dabara baýramçylyk konserti bilen tamamlandy.The post Ahalteke aty gününde edil kakasy ýaly, Serdar Berdimuhamedowa 8 bedew söwgat edildi first appeared on Türkmenistanyň Hronikasy.